તેજસ્વી પ્રકાશ બની બિગ બોસ 15ની વિજેતા, બીજા નંબર પર રહ્યો પ્રતીક સહજપાલ

 બિગ બોસ 15નો ફિનાલે પૂરો થઈ ગયો છે અને સલમાન ખાને વિનર જાહેર કરી દીધા છે. સ્પર્ધકોમાં શમિતા શેટ્ટી, તેજસ્વી પ્રકાશ, પ્રતિક સહજપાલ, નિશાંત ભટ્ટ અને કરણ કુન્દ્રા સ્પર્ધામાં હતા. શમિતા શેટ્ટીના બહાર નીકળી ગયા બાદ કરણ કુંદ્રા પર પણ વોટિંગનો માર પડ્યો હતો. તે પણ પબ્લિક વોટિંગમાં શોમાંથી બહાર થઈ ગયો હતો. આ પ્રમાણે ફિનાલેના દિવસે તેજરનની જોડી તૂટી ગઈ હતી અને ફિનાલેમાં તેજસ્વી પ્રકાશ અને પ્રતીક સહજપાલ વચ્ચે ટક્કર થઈ હતી. આ ટક્કરમાં તેજસ્વી પ્રતીક પર ભારી પડી અને પબ્લિકે બમ્પર વોટથી તેને શોની વિજેતા બનાવી દીધી હતી. આ વખતે કરણ કુંદ્રા અને બિગ બોસ હાઉસની લડ્ડુ શોની વિજેતા રહી.

નિશાંત ભટ્ટના શોથી બહાર થયા બાદ શમિતા શેટ્ટીને પણ શોમાંથી બહાર જવું પડ્યું હતું કારણ કે, પબ્લિક વોટિંગમાં કરણ કુંદ્રા, તેજસ્વી પ્રકાશ અને પ્રતીક સહજપાલ જ ટોપ થ્રી માટે ક્વોલિફાઈ થયા હતા. જેના કારણે શમિતા શેટ્ટી ત્રીજી વખત બિગ બોસનો હિસ્સો બન્યા બાદ પણ શોને જીતી ન શકી. આ પ્રમાણે તે ચોથા નંબર પર રહી.

બિગ બોસ ફિનાલેમાં પ્રથમ મહત્વપૂર્ણ નિર્ણય નિશાંત ભટ્ટે લીધો હતો. બિગ બોસના સ્પર્ધકોને 10 લાખ રૂપિયાની બેગ પસંદ કરીને શો છોડવાની ઓફર આપવામાં આવી હતી. આ ઓફરને નિશાંતે સ્વીકારી લીધી અને શોને અલવિદા કહી દીધું હતું. જો બિગ બોસ 14ની વાત કરીએ તો પૈસાનું બેગ લઈને શો છોડવાનો નિર્ણય રાખી સાંવતે લીધો હતો. પરંતુ રાખી સાંવત આ વખતે ટોપ 5માં પણ ન આવી શકી.   

x